前幾天家人大聚會，算是吃2009年的農曆新年團年飯。
無錯，係團年飯。話說爸媽年輕時大概非常恩愛，生了一大堆，最大的跟最少的至少相差十幾年以上，我算是排較後，總之上有兄姊下有弟妹，幾近各自成家各有兒女，所以如果聚會齊人都幾墟陷。這幾年來是為了避年還是什麼理由，總之一二月例必有人離港度假，所以團年飯要麼提前要麼置後。
那天妹妹坐在旁邊，自然跟我談起她的兒女經。
她不無感嘆地說：「阿女本來間學校的英文教得太少，唔夠，所以我今年將她轉校，去左間好多英文的……阿女已經讀小四，仍然係呆呆的，記性差，讀書唸口簧，測完驗就全部忘記晒……阿女既理解力好差，所以我要慢慢教，好似上次咁，學校教長度單位km呀，我要咁教佢 -- km叫公里，因為車呀飛機呀行得好快，殊一聲就去左好遠，所以我地要用大單位，即係以公里黎計，而唔可以用cm、mm既細單位計，否則個數目字會好長。」
我說：「對呀，咁點解唔教埋佢點解叫公里，而其他叫厘米毫米呢？並且講埋佢地有乜關係嘛。」
妹妹立刻好驚訝咁話：「你都傻嘅，名稱邊有得解咖，就好似你個名咁有得解嘅咩？佢地又有乜關係，不過都係長度單位，叫開咁就咁，邊有得解。」
我於是話：「吓，公里即係kilometer，kilo即係1,000咁解，meter係米，所以kilometer 其實係叫千米，理解左之後就容易記嘛，點解你唔教佢。唉，原來個阿媽都不求甚解，唔怪得個女讀書要死記，你要教佢點解，並且要佢慢慢掌握推理…」
阿妹即刻打斷我：「你都痴線嘅，佢咁細個邊度識推理，而且邊有得解。」
我於是反問「咁講咗咁耐，點解你又唔順水推舟反問我到底果Ｄ單位點解叫米，同埋km卻又叫公里，佢同其他單位嘅meter有乜關係？」
阿妹開始火：「我駛乜要問？係人都知無得解，就算有得解都一定係好深奧，咁深又駛乜知！」
然後她轉向旁邊隔著阿女阿仔的老公投訴，話我要求太高。於是話題終止。阿妹跟住嬲爆爆。
係，我衰在話「原來個阿媽都不求甚解，唔怪得個女讀書要死記」。
不過阿妹雖刁蠻亦好醒目，點都唔肯問我點解。
其實所謂有得解，當然唔會解到去上帝第一因那種高層次，殺雞又焉用牛刀呢，況且亦不相干吖；解法不過係譯音呀，或者舊制轉十進位公制(metric system)後沿用舊名加個「公」字來方便上一輩人容易記憶之類。
阿妹唔問，因為如果答案好淺白，咁即意味佢不濟，教女不擅，所以佢點都唔問，真係個懂得自保求生存的典型香港人，叻女嚟。
話晒都係一家人，要「和諧」，所以十幾分鐘後我逗她，望著酒樓正在播放的翡翠劇場，問她阿女看不看電視劇。「佢都不知幾鍾意，尤其果Ｄ愛情故事例如《紅樓夢》咁佢就最鍾意。」她說。
我記得上年阿妹帶點驕傲地提過，因為《紅樓夢》係中國文藝瑰寶，所以三年級時佢就買《紅樓夢》嘅簡略版畀阿女睇，又在旁邊解釋情節，邊個鍾意邊個，邊個陷害邊個。真係，一涉及情情塔塔同權術，中國人就生猛晒。
隨後，兜兜轉轉，阿妹又返回阿女既天資問題上，「佢呀，真係比人蠢Ｄ咖，唔易教，同佢解釋係無用咖。」阿妺一再申辯。我望著那個將要死記更多英文生字的四年級小朋友，只好犬儒地陪笑「唔，人人天資不同，都係嘅。」
無錯，係團年飯。話說爸媽年輕時大概非常恩愛，生了一大堆，最大的跟最少的至少相差十幾年以上，我算是排較後，總之上有兄姊下有弟妹，幾近各自成家各有兒女，所以如果聚會齊人都幾墟陷。這幾年來是為了避年還是什麼理由，總之一二月例必有人離港度假，所以團年飯要麼提前要麼置後。
那天妹妹坐在旁邊，自然跟我談起她的兒女經。
她不無感嘆地說：「阿女本來間學校的英文教得太少，唔夠，所以我今年將她轉校，去左間好多英文的……阿女已經讀小四，仍然係呆呆的，記性差，讀書唸口簧，測完驗就全部忘記晒……阿女既理解力好差，所以我要慢慢教，好似上次咁，學校教長度單位km呀，我要咁教佢 -- km叫公里，因為車呀飛機呀行得好快，殊一聲就去左好遠，所以我地要用大單位，即係以公里黎計，而唔可以用cm、mm既細單位計，否則個數目字會好長。」
我說：「對呀，咁點解唔教埋佢點解叫公里，而其他叫厘米毫米呢？並且講埋佢地有乜關係嘛。」
妹妹立刻好驚訝咁話：「你都傻嘅，名稱邊有得解咖，就好似你個名咁有得解嘅咩？佢地又有乜關係，不過都係長度單位，叫開咁就咁，邊有得解。」
我於是話：「吓，公里即係kilometer，kilo即係1,000咁解，meter係米，所以kilometer 其實係叫千米，理解左之後就容易記嘛，點解你唔教佢。唉，原來個阿媽都不求甚解，唔怪得個女讀書要死記，你要教佢點解，並且要佢慢慢掌握推理…」
阿妹即刻打斷我：「你都痴線嘅，佢咁細個邊度識推理，而且邊有得解。」
我於是反問「咁講咗咁耐，點解你又唔順水推舟反問我到底果Ｄ單位點解叫米，同埋km卻又叫公里，佢同其他單位嘅meter有乜關係？」
阿妹開始火：「我駛乜要問？係人都知無得解，就算有得解都一定係好深奧，咁深又駛乜知！」
然後她轉向旁邊隔著阿女阿仔的老公投訴，話我要求太高。於是話題終止。阿妹跟住嬲爆爆。
係，我衰在話「原來個阿媽都不求甚解，唔怪得個女讀書要死記」。
不過阿妹雖刁蠻亦好醒目，點都唔肯問我點解。
其實所謂有得解，當然唔會解到去上帝第一因那種高層次，殺雞又焉用牛刀呢，況且亦不相干吖；解法不過係譯音呀，或者舊制轉十進位公制(metric system)後沿用舊名加個「公」字來方便上一輩人容易記憶之類。
阿妹唔問，因為如果答案好淺白，咁即意味佢不濟，教女不擅，所以佢點都唔問，真係個懂得自保求生存的典型香港人，叻女嚟。
話晒都係一家人，要「和諧」，所以十幾分鐘後我逗她，望著酒樓正在播放的翡翠劇場，問她阿女看不看電視劇。「佢都不知幾鍾意，尤其果Ｄ愛情故事例如《紅樓夢》咁佢就最鍾意。」她說。
我記得上年阿妹帶點驕傲地提過，因為《紅樓夢》係中國文藝瑰寶，所以三年級時佢就買《紅樓夢》嘅簡略版畀阿女睇，又在旁邊解釋情節，邊個鍾意邊個，邊個陷害邊個。真係，一涉及情情塔塔同權術，中國人就生猛晒。
隨後，兜兜轉轉，阿妹又返回阿女既天資問題上，「佢呀，真係比人蠢Ｄ咖，唔易教，同佢解釋係無用咖。」阿妺一再申辯。我望著那個將要死記更多英文生字的四年級小朋友，只好犬儒地陪笑「唔，人人天資不同，都係嘅。」
呵呵呵..原來貴大人係大家族嘅! 失敬.失敬
回覆刪除講起教仔, 真係可以有好多嘢講! 記得阿仔未讀書之前(未夠三歲)真係好醒, 二佰幾張中文字咭(有公仔同字), 張張都認得, 可以讀翻哂出嚟, 又可以跟張咭寫翻Ｄ字出嚟, 典知入咗幼稚園之後, Ｄ中文唔記得哂, 雖然每星期都有返中文班, 有寫中文字, 就係入唔到腦, 左耳入, 右耳出...而家淨係認得自己個名, 仲要三個字痴埋一齊先認得..
[版主回覆01/04/2009 01:31:00]五六七十年代做大家族的先決條件之一係，唔識用，或者唔肯用，或者無錢買，或者買唔倒......避孕用品。
蟲師哥，你位公子既天資好好，但係唔用漢字就會好快唔記得，無符。在外國出生成長的華人，基於跟父母溝通，能夠聽和講廣東話、普通話的唔少，但又能認漢字寫漢字的，就真係好稀少。不過你上次提過「睇公仔書學漢字」，我覺得不失為一個方法，可惜公仔書的詞彙太少，就算持續睇十多年，都係識字太少。你如果想令郎也能寫，睇怕都要再請教下彼邦有經驗的華人或專家。
貴兄:
回覆刪除午安!
好逗趣!
不用太擔憂啦 ( 跟令妹說的) !
菊主童年時就是那種 ' 一碌葛一舊飯成隻番薯 '遲開竅 的懵學生;不求甚解 (呢個本來係褒詞喎),知其然而不知其所以然,水過鴨背是自然不過的事;所以數學科遠遜於只靠死記的科目如中文社會健教(以前分得幾仔細 ! ) ......
不必過份催谷 , 到了初中自會開竅,一理通百里明,再唔駛阿娘陪讀了 !
[菊主回覆08/05/2012 13:01:50]貴兄:
午安!
村如說來說去都是那幾個字,通順而已;而且,人懶字簡;盡量長話短說.
[版主回覆08/04/2012 23:56:23]話時話，菊主運用漢語的能力很強，詞彙豐富，對本義、基本義等都掌握得很好。羡慕你。
[版主回覆08/04/2012 23:22:34]我小學都讀得好辛苦，只因我係個「問題」細路，對事物想知點解，但大人唔解釋，只叫我死背，所以我當時讀書好辛苦。例如我唸小二時唔明乘數係乜，老師同父母只叫我死背乘數表；我唔知點判斷什麼情況下要計乘數，大人就教我如果句子最後問「共有多少」，就是乘數，但加數也問「共有多少」，所以我好怕計數。後來到高小我才自己「悟出」個乘數規律：例如5乘7，即係5自己相加7次(頻率、次數)，或者7自己相加5次的意思，重複相加咁多次好麻煩，所以我地預先將答案排列成乘數表，背左好快就能說出答案。換句話，乘數其實係加數。如果當年班大人能夠向我咁解釋，我老早就能判斷如何應用加數乘數。
.
我覺得，小孩子很早就能夠學習邏輯推理，亦會追求解釋，只係大人唔識教，因為好多大人都不求甚解。
平日看阿貴的文章和回應，覺得應該係一位不好爭辯， 說話適可而止的人。
回覆刪除怎知道看你和妹妹的一番對話， 原來也是一位典型港人。 嘿嘿!
其實哪有辯到，我講兩句對方就已經容不下異見，結果我只好靜雞雞係這個網誌交待…當年Yahoo小編輯給我這篇帖文一個篕章(讚)，建議我也轉放去yahoo的媽打區，但我點敢，怕被對方讀到，又來吵架…
刪除哈哈 ! 睇黎你都好錫妹妹。
刪除誤會了，不。一樣米養百樣人...避之則吉…。
刪除台灣有兒童哲學 細老哥識思想啊
回覆刪除謝來訪。
刪除同意。