「佢」字到底搞邊科？

今日偶然讀了一篇網誌文章，標題是〈超乎想像的「佢」〉（註），談粤語「佢」字的語法／用法，非常有趣。「佢」字一般作代詞用，指他、她、牠、它，甚或祂。作者有很細膩的觀察，發現「同我做哂啲功課佢」的「佢」字，似乎非作代詞用，因為賓語「功課」已獲陳示，「佢」字實無可代之物，然而，有趣在，「同我做哂啲功課佢」、「食哂成碗飯佢」、「清哂啲垃圾佢」等等說法卻非常合乎語感，不覺累贅，且有加強語氣之效，所以，這個句末之「佢」，到底起著什麼作用呢？

以下是我的分析。

當句中賓語清楚，不需代詞時，句末的「佢」字，很可能本字並非「佢」，先提例子：
「食哂成碗飯佢」也有人讀成「食哂成碗飯許」
「清哂啲垃圾佢」=「清哂啲垃圾許」

這樣的轉音，例子很多，「邊處」讀成「邊恕／邊樹」（哪處之意）、「快點」讀成「快啲」、「點解」讀成「典解」，當中或有懶音之嫌，但粵句發音常有「一輪嘴」之快捷特色，所以這類音轉其實頗普遍。

句末的「佢」「許」極可能也是音轉結果，本字是「去」，充當語氣助詞。所以：
「食哂成碗飯佢」=「食哂成碗飯許」=「食哂成碗飯去」
「清哂啲垃圾佢」=「清哂啲垃圾去」
「洗哂啲衫佢」=「洗哂啲衫去」

甚或，「去」字本來放在句前，言者指示聽者立即做某事，例如「去洗哂啲衫。」為了加強語氣，「去」字移位至句末，加強催促，成：
「洗哂啲衫去。」=「洗哂啲衫，去！」=「洗哂啲衫，速速／立即！」

「洗哂啲衫，去！」的「去」，還可能是動詞。是動詞抑或助詞，還可探討，但兩者都有祈使(imperative)意味，大概不差。

「動詞+賓語+去」的句式結構，我還想到以下語例：
「打柒條友啦去」
「（淨係顧住食，）做完野先啦去」
「（仲等咩呀，）追番老婆（返黎）啦去」

「打柒條友啦去」，絕不會說成「打柒條友啦佢」。文雅一點可以說：「郁佢啦去／郁佢先啦去」。

「啦去」的搭配看來頗緊密，例如「清哂啲垃圾佢」=「清哂啲垃圾啦去」，但一定不會說成「清哂啲垃圾啦佢」。所以當「佢」不是充當代詞，而且位置落在句末，「佢」應是「去」的音轉結果，並且當前面搭上「啦」字，一定沒有音轉，只會讀成「啦去」本字，非常清晰。

所以，「動詞+賓語+佢」，極可能是「動詞+賓語+去」，「佢」是「去」的音轉。

註：
〈超乎想像的「佢」〉，《語之奧秘》
https://goo.gl/mgx22H