唐梁戰(一)：收權論

選舉特首的選委會塵埃落定，唐營大勝梁營。今日(2011/12/15)吳康民在明報一篇《春江水暖鴨先知 你演罷來我登場》，似欲間接勸退梁振英。

同日蘋果日報報導《習近平撐梁振英》，表示中央屬意梁氏，更謂不少挺唐的香港富豪極可能「押錯寶」了。

吳康民與蘋果的報導，觀點相反，誰準誰誤難料；但我自己的看法，早認為中央傾向梁氏執政。

人情債

因為要到相熟的樓上書店訂兩本新出的內地書，今日特意走去我近年少去的旺角，順道上了某某mega store，竟然有幸撞到幾年無見的模友高手。佢買左兩盒模型正在櫃檯畀緊錢，我行過去拍佢膊頭。

佢有點surprise：「嘩，好耐無見你咯喎。」
「係呀。」
「仲有無砌模型呀？」
「無咯。」(依行內語境，完成作品則整個過程才算「砌」。素組或者WIP爛尾者，醜醜地，唔提好過提。)
「點解唔砌呀？」
「我而家吹水多。」我有點臉紅。
「唔怕既，once砌過模型，以後都會識砌。」
「哈哈，你估係踩單車同游水咩，識左就會變成本能。」
「係咖，砌模型上左手就唔會忘記咖。」
「嗯…都係有D既……咦，你呢兩盒乜黎咖…」
跟住我地圍繞櫃檯上兩盒模型講左幾句，sales小姐此刻剛好搞惦帳單手續回應模友，於是打斷了我地既對話。模友買完野亦都要走，而我卻係剛到，仲要巡一陣，於是我跟佢同佢身邊的一位朋友道別了。